Qazaqstan Respýblıkasy Úkimetiniń qaýlysy № 149

2015 jylǵy 19 naýryz,  Astana Úkimet Úıi Azamattardyń densaýlyǵyn saqtaý máseleleri boıynsha sektoraralyq jáne vedomstvoaralyq ózara is-qımyldy iske asyrýǵa 2015 jylǵa qarajat bólý týraly «2015 – 2017 jyldarǵa arnalǵan respýblıkalyq bıýdjet týraly» 2014 jylǵy 28 qarashadaǵy Qazaqstan Respýblıkasy Zańynyń 20-babyna jáne «Qazaqstan Respýblıkasynyń densaýlyq saqtaý salasyn damytýdyń 2011 – 2015 jyldarǵa arnalǵan «Salamatty Qazaqstan» memlekettik baǵdarlamasyn bekitý týraly» Qazaqstan Respýblıkasy Prezıdentiniń 2010 jylǵy 29 qarashadaǵy №1113 Jarlyǵyna sáıkes Qazaqstan Respýblıkasynyń Úkimeti qaýly etedi: 1. Osy qaýlyǵa qosymshaǵa sáıkes azamattardyń densaýlyǵyn saqtaý máseleleri boıynsha sektoraralyq jáne vedomstvoaralyq ózara is-qımyldy iske asyrýǵa 2015 jylǵa qarajat bólinsin. 2. Qazaqstan Respýblıkasy Densaýlyq saqtaý jáne áleýmettik damý mınıstrligi zańnamada belgilengen tártippen aǵymdaǵy nysanaly transfertterdi aýdarýdy qamtamasyz etsin. 3. Ortalyq memlekettik jáne jergilikti atqarýshy organdar toqsan saıyn, esepti kezeńnen keıingi aıdyń 5 kúnine deıin Qazaqstan Respýblıkasy Densaýlyq saqtaý jáne áleýmettik damý mınıstrligine azamattardyń densaýlyǵyn saqtaý máseleleri boıynsha sektoraralyq jáne vedomstvoaralyq ózara is-qımyldyń iske asyrylý barysy týraly esep bersin. 4. Qazaqstan Respýblıkasy Densaýlyq saqtaý jáne áleýmettik damý mınıstrligi jartyjyldyq qorytyndylary boıynsha, esepti kezeńnen keıingi aıdyń 10 kúnine qaraı Qazaqstan Respýblıkasynyń Úkimetine azamattardyń densaýlyǵyn saqtaý máseleleri boıynsha sektoraralyq jáne vedomstvoaralyq ózara is-qımyldyń iske asyrylý barysy týraly aqparat bersin. 5. Osy qaýly 2015 jylǵy 1 qańtardan bastap qoldanysqa engiziledi jáne resmı jarııalanýǵa tıis. Qazaqstan Respýblıkasynyń Premer-Mınıstri K.MÁSIMOV. Qazaqstan Respýblıkasy Úkimetiniń 2015 jylǵy 19 naýryzdaǵy №149 qaýlysyna qosymsha Azamattardyń densaýlyǵyn saqtaý máseleleri boıynsha sektoraralyq jáne vedomstvoaralyq ózara is-qımyldy iske asyrýǵa 2015 jylǵa qarajat bólý R/s № Is-sharalardyń ataýy Jaýapty memlekettik organdar Soma, myń teńge 1 2 3 4 5.1.1-maqsat. Qaýiptiń minez-qulyq faktorlaryn baqylaý profılaktıkasy jáne ony kúsheıtýge keshendik ustanym arqyly salamatty ómir saltyn qalyptastyrý 1 Temeki shegýdiń, alkogoldi shekten tys tutynýdyń jáne esirtki tutynýdyń profılaktıkasy men olardy emdeý boıynsha aqparattyq-nasıhattyq baspa basylymdaryn ázirlep, basyp shyǵarý jáne kórnekti qoǵam qaıratkerlerin tarta otyryp, teleradıohabarlaryn taratý arnalarynda naýqandar men jobalar ótkizý MSM 103500 2 Sportty jáne salamatty ómir saltyn nasıhattaý jóninde áleýmettik beınerolıkter jasaý MSM 12000 3 Buqaralyq sport túrleri boıynsha jyl saıyn salalyq spartakıadalar uıymdastyrý jáne ótkizý MSM 57200 4 Respýblıkalyq deńgeıde densaýlyq saqtaý salasyn damytý máselelerine arnalǵan memlekettik jáne orys tilderinde 2011 - 2015 jyldarǵa arnalǵan «Salamatty Qazaqstan» memlekettik televızııalyq baǵdarlamasyn jasaý IDM 64500 5.1.2-maqsat. Halyqtyń durys tamaqtanýyn qamtamasyz etý jáne tamaqtanýǵa baılanysty aýrýlardyń profılaktıkasy 1 2 3 4 5 Durys tamaqtaný máseleleri boıynsha aqparattyq-nasıhattaý naýqanyn júrgizý DSÁDM 12600 6 Halyqtyń durys tamaqtaný daǵdylaryn jáne tamaq ónimderiniń qaýipsizdigin qalyptastyrý DSÁDM 50000 7 Durys tamaqtaný máseleleri boıynsha beıne jáne aýdıorolıkter shyǵarý MSM 2220 5.1.4-maqsat. Jol-kólik jaraqattanýshylyǵy jáne odan bolatyn ólimdi tómendetý 8 Jol qaýipsizdigi problemalary boıynsha qoǵamdyq pikirge monıtorıng júrgizý IIM 3000 9 Jol qozǵalysy qaýipsizdigi máseleleri boıynsha áleýmettik rolıkter daıyndaý jáne ortalyq, respýblıkalyq telearnalarda olardyń prokatyn qamtamasyz etý IIM 28800 10 Jol qozǵalysy qaýipsizdiginiń ózekti máseleleri boıynsha respýblıkalyq telearnada mamandandyrylǵan baǵdarlama ázirleý IIM 16700 11 Jol qozǵalysynyń qaýipsizdigin qamtamasyz etý problemalary boıynsha býkletter, aqparattyq materıaldar shyǵarý IIM 9900 5.1.5-maqsat. Tabıǵı jáne tehnogendik sıpattaǵy tótenshe jaǵdaılar kezinde zardap shekkender arasyndaǵy qaıtymsyz shyǵyndardy tómendetý 12 Trassada shuǵyl medısınalyq-qutqarý kómegin kórsetý boıynsha 40 trassalyq pýnkttiń jumys isteýi IIM 1183099 13 Sanıtarııalyq tikushaqtardy paıdalanýdy qamtamasyz etý úshin 2 angar satyp alý IIM 59360 5.1.6-maqsat. Penıtensıarlyq júıede týberkýlezben jáne AITV/JITS-pen syrqattanýshylyqtyń jáne odan bolatyn ólim deńgeıin tómendetý 14 AITV/JITS máseleleri boıynsha jumys isteıtin ÚEU áleýetin arttyrý, memlekettik jáne úkimettik emes uıymdar arasyndaǵy ózara is-qımyldy nyǵaıtý DSÁDM 7700 15 Qamaýda ustaý oryndarynda AITV ınfeksııasynyń profılaktıkasy baǵdarlamasyn iske asyrý jáne bas bostandyǵynan aıyrý oryndarynan bosatylatyn adamdarǵa áleýmettik qoldaý kórsetý baǵdarlamalaryn engizý. Bas bostandyǵynan aıyrý oryndarynda AITV/JITS-ke qarsy kúres úshin ÚEU áleýetin damytý* DSÁDM 41771 onyń ishinde: Aqmola oblysy 3060 Aqtóbe oblysy 1938 Almaty oblysy 2824 Atyraý oblysy 895 Shyǵys Qazaqstan oblysy 6497 Jambyl oblysy 2661 Batys Qazaqstan oblysy 1205 Qaraǵandy oblysy 5601 Qostanaı oblysy 3066 Qyzylorda oblysy 1008 Mańǵystaý oblysy 1315 Pavlodar oblysy 3336 Soltústik Qazaqstan oblysy 2415 Ońtústik Qazaqstan oblysy 2644 Almaty qalasy 1002 Astana qalasy 2304 Barlyǵy 1652350 Eskertpe: * Bas bostandyǵynan aıyrý oryndaryndaǵy adamdar men odan bosap shyqqan adamdar arasynda AITV ınfeksııasynyń profılaktıkasy jónindegi is-sharalardy jáne qyzmetterdi satyp alýdy oblystardyń, Astana jáne Almaty qalalarynyń jergilikti ýákiletti densaýlyq saqtaý organdary Qazaqstan Respýblıkasynyń zańnamasyna sáıkes júzege asyrady. Abbrevıatýralardyń tolyq jazylýy: IIM - Qazaqstan Respýblıkasy Ishki ister mınıstrligi DSÁDM - Qazaqstan Respýblıkasy Densaýlyq saqtaý jáne áleýmettik damý mınıstrligi MSM - Qazaqstan Respýblıkasy Mádenıet jáne sport mınıstrligi UEM - Qazaqstan Respýblıkasy Ulttyq ekonomıka mınıstrligi IDM - Qazaqstan Respýblıkasy ınvestısııalar jáne damý mınıstrligi ÚEU - úkimettik emes uıymdar